ચંદ્રકમળ

 

ચંદ્રકમળ

આમ તો દરરોજ વહેલી સવારે મને ઇંતજાર રહે છે,

 ‘ગુડમોર્નિંગ’ અને ‘જય શ્રી કૃષ્ણ’ વાળા તારા મેસેજનો.

ને રોજ સવારે ભાવ પૂર્વક વાંચું છું તો મને મળે છે,

મીઠો ભાવ એ મેસેજમાં તારા હૃદયની ઉર્મિઓનો.

કોકના ફોરવર્ડ કરેલા ચીલાચાલુ મેસેજમાં પ્રેમની ઉણપ છે,

પણ આપણે જાતે લખેલા મેસેજમાં હેતના હાથનો સ્પર્શ છે.

આમ જોઈએ તો વ્યક્તિ વ્યક્તિએ મેસેજનું મૂલ્ય બદલાય છે

પણ ‘ચંદ્રકમળ’ના દરેક મેસેજનો પ્રગાઢ મૈત્રીભાવ અમૂલ્ય છે.

એક બાજુ ઇલેક્ટ્રોનિક પ્રેમાલાપની મર્યાદાઓ પણ ઘણી છે,

સબંધના સિક્કાની બીજી બાજુની આ જ તો કરુણ વાસ્તવિકતા છે.

(પંકજદાંડી)

 

ખુશ્બુ

 

ખુશ્બુ

કેટલીય રાતોના ઉજાગરા પછી,

છેક પચાસ વરસ બાદ તને શોધી શક્યો છું.

હજુ તો માંડ તારું સરનામું જડયું છે,

વોટ્સએપ અને ફેસબુકથી સંપર્ક થયો છે.

હવે જોવું છે, તારામાં હજુ પણ

પહેલાં જેવી ખુશ્બુ છે કે નહીં ?

તારા હૃદયમાં મારે માટે

 એટલીજ લાગણીઓ છે કે નહીં ?

તારી નજાકતને નજીકથી માણવી છે,

પછી તારી એક કવિતા લખવી છે.

તને બે પ્રશ્નો પૂછવા છે.

વોટ્સએપ પર હું તને મળ્યો, કે તું મને મળી ??

છોડ ને યાર !

આપણે મળ્યાં પણ ક્યારે ?

બન્ને સિક્સટી પ્લસ થયાં ત્યારે !!!

(પંકજદાંડી)

 

ખુશીનો ભ્રમ

 

ખુશીનો ભ્રમ

ચાલ આજે આપણે વોટ્સએપથી મળીએ,

બંને વારાફરતી એકબીજાને સાંભળીએ.

તું મારી લાગણીના પ્રવાહમાં વહી જઈશ,

હું તારા વહાલના દરિયામાં ડૂબતો રહીશ.

હું ફેસબુક પર કવિતા લખતો રહીશ,

તું વોટ્સએપથી લાઈક કરતી રહેજે.

આપણે એક મેક ની આંખોમાં રમતા રહીશું,

ને હૃદયમાં ‘ચંદ્રકમળ’ ખીલવતા રહીશું.

......પણ......

જો તારો જવાબ ‘હા’નો હોય તો કહી નાખજે,

નહીં તો મારી ખુશીનો ભ્રમ યથાવત રાખજે.

(પંકજદાંડી)

એક બીજાના હૃદયમાં

 

એક બીજાના હૃદયમાં

 

સાચું છે, હું ક્યારેય તારી સાથે નથી હોતો.

તે જ રીતે, તું પણ મારી સાથે નથી જ હોતી.

પણ યાદ રાખજે,

જયારે જયારે આપણે એક બીજાની સાથે નથી હોતા,

ત્યારે ત્યારે એક બીજાના હૃદયમાં જરૂર હોઈએ છીએ,

અને તે પણ એકદમ ઊંડાણમાં !

આ ઊંડાણની ખાતરી કરાવી હોય તો કરી લે,

કેટલી વાર આપણે વોટસએપ ચેક કર્યું તે જોઈ લે.

‘ગુડ મોર્નિંગ’નો મેસેજ આવે છે હૃદયના ઊંડાણમાંથી.

‘જય શ્રી કૃષ્ણ’નો ઉત્તર બને છે ‘રાધે રાધે’ ના જોડાણમાંથી.

એકબીજાને સૌથી ખાસ ગણ્યા છે, આપણા જ દોસ્તમાંથી,

દૂર રહીને પણ દિલમાં રાખ્યાં છે, વોટ્સએપના લિસ્ટમાંથી.

(પંકજદાંડી)

આવતી કાલ ને આવવા જ નથી દીધી

 

આવતી કાલ ને આવવા જ નથી દીધી

તેં મને કહ્યું હતું; "આવતી કાલથી મને ભૂલી જજે "

પણ તને ક્યાં ખબર છે મેં શું કર્યું ?

કેટલાંયે વરસથી એ આજને સાચવીને બેઠો છું,

આવતી કાલ ને આવવા જ નથી દીધી.

આમ પણ આવતી કાલ ક્યારે ય આવતી નથી,

કેમકે જેવી આવે છે તેવી આજ બની જાય છે.

અને હું પાછો આવતી કાલના ખ્યાલોમાં ખોવાઈ જાઉં છું.

અને...બીજું હું હવે સિક્સટી પ્લસ પછી પણ,

સિક્સટીન પર ફીક્સ છું, તારી તાજગીની જેમ.

હવે મને, તારા વોટ્સએપના ઇશારાને સમજતાં આવડી ગયું છે,

કેમ કે તને તારું દર્દ શબ્દોમાં વર્ણવતાં આવડતું નથી.

(પંકજદાંડી)

આપણો ફ્લર્ટ

 

આપણો ફ્લર્ટ

કેવો સ્પષ્ટ પવિત્ર અને પારદર્શક આપણો ફ્લર્ટ !

નથી કરતો કોઈ યાર-દોસ્ત કે દુશ્મનને ય હર્ટ.

છે તો આપણા બંનેના કોઈ અન્ય જીવન સાથીદાર,

છતાં મોજ થી કરીએ ફ્લર્ટ ને રહીએ તેમને ય વફાદાર.

કોઈને સમજાતી નથી સિક્સટી પછીની આપણી પ્રીત,

‘બી એવર સિક્સટીન’ એ જ આપણા જીવનનું સંગીત.

રહ્યું પ્રથમ પ્રીતનું સાક્ષી આપણા ગામનું વિદ્યાનું મંદિર,

નથી જોયું કોઈએ મોડર્ન રાધા ને કૃષ્ણનું મિલન ગંભીર.

આપણા હૃદય ની ઉર્મિઓને જાણીએ આપણે બે જ,

એક હું ‘કમલમ’, ને બીજી તું ‘પૂનમની ચાંદનીનું તેજ’.

આ છે આપણી સિક્સટી પછી જીવન જીવવાની યુનિક કળા,

મળાય તો જરૂર મળીશું, નહીં તો ફ્લર્ટીંગની જ જપીશું માળા.

(પંકજદાંડી)

 

આટલી ઈચ્છા તો રાખી શકું ને

 

આટલી ઈચ્છા તો રાખી શકું ને

જીવનનું ચોસઠમું વરસ વહી રહ્યું છે,

મારાં સોળમાં વરસની યાદ કરતાં કરતાં.

આપણી મૈત્રી થોડીક વધારે ઊંડી છે,

પણ ત્યાં વહ્યા વિનાની લાગણીઓ ફ્રોઝન થઇ ગઈ હતી.

જાણું છું, તારી સમીપ પહોંચવા માટે જરા વધારે સમય લીધો

પણ હવે તો હું દરરોજ તારી સાથે વાત કરી શકું છું.

સોસીયલ મીડિયાથી ટચમાં રહી શકું છું.

પણ લાગે છે હવે એ સમય આવી ગયો છે

તને કશુંક ખાનગી પૂછવાનો

મારે એ જાણવું છે કે ....

તને પણ મારી જોડે વાત કરવાની ઈચ્છા થાય છે ખરી ?

તું પણ લાઈક અને કોમેન્ટ કરશે મારી રચના પર ?

જે રચના મેં માત્ર ને માત્ર તારે માટે જ રચી છે.

આટલી ઈચ્છા તો રાખી શકું ને !

(પંકજદાંડી)

 

આંખ છે પાણી પાણી

 

આંખ છે પાણી પાણી

નથી કોઈ સગપણ તો યે મૈત્રી એવી કેળવી છે,

રોજ સવારે ફેસબુકના માધ્યમથી બંને મળે છે.

મિલન એમનું કોઈને ખુંચતું હજુ સુધી નથી,

કારણ બીજા પાત્રનું સરનામું જ જડતું નથી.

કવિતાના ભેદી શબ્દોમાં છુપી કહાણી છે સમાણી,

વોટ્સએપ પર તરસ છે, ને આંખ છે પાણી પાણી.

સોસીયલ મીડિયા પર ફરિયાદ બસ એક જ છે,

સિક્સટી પછી પણ પંકજ કવિતા લખે કોને માટે છે?

(પંકજદાંડી)