રાધાની શક્તિ

હે કનૈયા,

તું હરપળ હોય છે મારી આસપાસ

પણ કયા રૂપે સ્મરણમાં લઉં ?

આમ તો જગત જાણે છે  તું ગયો છે વૃંદાવન છોડી,

પણ આપણે બે જ જાણીએ છીએ

તેં ક્યારેય નથી મને તરછોડી.

ક્યારેક મારુ મન કઠોર બને છે,

ત્યારે તું યાદનું અમૃત બનીને આવે છે.

જયારે મારો જીવનમાંથી રસ ઉડી જાય છે

ત્યારે તું મોરલીના મોહક સૂરના સ્પંદનો મોકલે છે.

ઓ મારા રાજા !

અને આમ ને આમ મને મળી રહે છે

જીવન જીવવાની અદભુત શક્તિ.

હું નથી બાઈ મીરાની ભક્તિ

હું તો છું તારી રાધાની શક્તિ. (પંકજદાંડી)

એડવાન્સ ઇફેક્ટ

એડવાન્સ ઇફેક્ટ

વીક એન્ડમાં તારા મોન્ટ્રિઅલ આવવાના,

સમાચાર મને ખાનગીમાં મળી ગયા છે.

ઓછી થઇ છે ઠંડી, ફ્રીઝીંગ રેઇન પણ બંધ છે

લાગે છે વિન્ટરે મીડ ટર્મ બ્રેક રાખી છે.

બાયનોક્યુલર જેવી મારી ઉત્સુક નજર,

‘ટ્રાફિક ઓન હાઇવે ફોર્ટી’ ચેક કરી રહી છે.

સાચી વાત તો એ છે કે આ પંકજને,

તારા આગમનની એડવાન્સ ઇફેક્ટ થઇ ગઈ છે.

(પંકજદાંડી)

બિન તેરે મૈં આધા.

અરે .... આ કોણ ?

કોણ જોગિંગ કરી રહ્યું છે મારી આગળ?

મારે તો સેઇફ ડિસ્ટન્સ રાખવું હતું તારાથી.

આથી જ તો હું વૃંદાવન રિટર્ન નો'તો થયો.

રુકિમણી હોય કે જામ્બુવતી,

સત્યભામા હોય કે કાલિન્દી.

દરેકને અદેખાઈ તારી જ કેમ આવે છે ?

આઠ આઠ પટરાણીઓના સહવાસ,

છતાં હું ગૂંગળાય જાઉં છું.

હવે સમજ્યો,

આ ગુંગળામણ એ બીજું કશું નથી,

પણ તારા અલિખિત પ્રેમસંદેશના અદ્દશ્ય તરંગ.

એટલેજ સાચું કહું છું રાધા:

‘બિન તેરે મૈં આધા’.

(પંકજદાંડી)

yachana