બિન તેરે મૈં આધા.

અરે .... આ કોણ ?

કોણ જોગિંગ કરી રહ્યું છે મારી આગળ?

મારે તો સેઇફ ડિસ્ટન્સ રાખવું હતું તારાથી.

આથી જ તો હું વૃંદાવન રિટર્ન નો'તો થયો.

રુકિમણી હોય કે જામ્બુવતી,

સત્યભામા હોય કે કાલિન્દી.

દરેકને અદેખાઈ તારી જ કેમ આવે છે ?

આઠ આઠ પટરાણીઓના સહવાસ,

છતાં હું ગૂંગળાય જાઉં છું.

હવે સમજ્યો,

આ ગુંગળામણ એ બીજું કશું નથી,

પણ તારા અલિખિત પ્રેમસંદેશના અદ્દશ્ય તરંગ.

એટલેજ સાચું કહું છું રાધા:

‘બિન તેરે મૈં આધા’.

(પંકજદાંડી)