વાસનાના ગુલામ

હે સૃષ્ટિના રચયિતા !

કેવું અદ્દભુત છે તારું પ્લાનિંગ !

પૃથ્વીવાસીઓને તેં કેવી અદ્દભુત ભેટ આપી છે ?

આકાશ, પ્રકાશ, સૂર્ય,ચંદ્ર અને તારાઓ,

વનરાજી, પશુઓ, પંખીઓ, પતંગિયાં,

નદી, સરોવર, સાગર, પર્વત, ખીણ,

રેગિસ્તાન ને બર્ફીસ્તાન, આ દેહ, જીવન અને મન.

આ બધુજ તેં અમને વગર માગ્યે આપ્યું.

પણ અમે એનું મહત્વ સમજી ન શક્યા.

પણ તને નથી લાગતું આ ‘મન’ એ

તારી સૃષ્ટિના સોફ્ટવેરનો ખતરનાક વાયરસ છે ?

આ મન દોડી રહ્યું છે ચંચળ કામનાઓ તરફ, જેનો કોઈ છેડો નથી.

એ માટે અમે બેશરમ બની પાપો કરતા રહીએ છીએ.

અમે વાસનાના ગુલામ છીએ.

ઓ દયામય !

અમને એ ગુલામીમાંથી છૂટવાની શક્તિ પ્રદાન હો.

(પંકજદાંડી)