પ્રતીક્ષામાં છું.

હે અષ્ટભાર્યા !

મધરાત થવા આવી,

પણ મનમાં એક ઉચાટ છે.

જે જીવન જીવવા હું પૃથ્વી પર આવી,

એ તો હજુ હું જીવી શકી જ નથી.

મેં કેટલીય રાતો મારા હૃદયસંગીતની શોધમાં વિતાવી છે.

પણ પવનની એકાદ બે લહેરખી સિવાય,

મારા પ્રેમ પરિમલ નો ભંડાર અણઉઘડ્યો જ રહ્યો છે.

ક્યારેક મને સંભળાય છે,

મારા મહેલ પાસેથી પસાર થતા

તમારા આછા પદધ્વનિનો ઝંકાર.

હમણાં જ ડોરબેલ વાગશે એમ માની,

દરવાજે ઉભી રહી જાઉં છું.

હે નાથ !

હું આપણા અમર પ્રેમનું ગીત ગાવાની પ્રતીક્ષામાં છું.

પ્રતીક્ષા એ જ મારો જીવનમંત્ર છે.

હું આઠમી પટરાણી છું અને આજે આઠમ છે.

આવશો ને નાથ ??

મારી પ્રતીક્ષાનો સમય છેક પરોઢ સુધીનો છે.

લિ. તમારી લક્ષ્મણા