ચંદ્રકમળ

 

ચંદ્રકમળ

આમ તો દરરોજ વહેલી સવારે મને ઇંતજાર રહે છે,

 ‘ગુડમોર્નિંગ’ અને ‘જય શ્રી કૃષ્ણ’ વાળા તારા મેસેજનો.

ને રોજ સવારે ભાવ પૂર્વક વાંચું છું તો મને મળે છે,

મીઠો ભાવ એ મેસેજમાં તારા હૃદયની ઉર્મિઓનો.

કોકના ફોરવર્ડ કરેલા ચીલાચાલુ મેસેજમાં પ્રેમની ઉણપ છે,

પણ આપણે જાતે લખેલા મેસેજમાં હેતના હાથનો સ્પર્શ છે.

આમ જોઈએ તો વ્યક્તિ વ્યક્તિએ મેસેજનું મૂલ્ય બદલાય છે

પણ ‘ચંદ્રકમળ’ના દરેક મેસેજનો પ્રગાઢ મૈત્રીભાવ અમૂલ્ય છે.

એક બાજુ ઇલેક્ટ્રોનિક પ્રેમાલાપની મર્યાદાઓ પણ ઘણી છે,

સબંધના સિક્કાની બીજી બાજુની આ જ તો કરુણ વાસ્તવિકતા છે.

(પંકજદાંડી)