અંગદાનની લાઈન કેમ નથી

પ્રભુ, 

અમે મનુષ્યલોકના પ્રાણીઓ

મૃત્યુદેવથી આટલા બધા ડરીએ છીએ શા માટે ?

એવું કેમ શક્ય નથી,

અમે મૃત્યુદેવની પણ પૂજા કરીએ ?

એમને વેલકમ શા માટે નથી કહી શકતા ?

જો મૃત્યુદેવ તારા જ સંદેશ પ્રમાણે વર્તાતો હોય

તો પછી એનું આવવું અશુભ શા માટે ?

પણ એ અમને લઇ જાય પછી

અહીં રહી જાય છે આત્મા વિનાનું ઉજ્જડ ઘર.

આ ઉજ્જડતાને સજીવન કરે છે અંગદાન.

જો કે અમારો મર્યા પછી પણ મોહભંગ થતો નથી.

આથી જ અંગદાન બાબતે નિષ્ક્રિયતા જોવા મળે છે.

જોયું હતું ‘નોટો’ બદલાવવા તો ખુબ લાઈનો થઈ,

તો પછી અંગદાન ના દાતાઓની લાઈન કેમ નથી ???

(પંકજદાંડી)