ધન્ય પળો

જયારે જોઉં છું તેં પોષ્ટ કરેલા મારા ફોટોગ્રાફ્સ,

ત્યારે યાદ આવી જાય છે એ ધન્ય પળો

જે પળોએ મેં તારું સાનિધ્ય માણ્યું હતું.

યાદ કરું છું એ સ્પર્શ અને એ લાગણીઓ,

રાસ રમતાં અકસ્માત અડી ગયેલી કોણીઓ,

વાગોળી રહી છું તારી સાથે ગાળેલી એ પળો.

આપણી ભાવભરી ક્રીડાઓમાં તું મારી સાથે હતો,

એ એહસાસ હજુ તાજો જ છે મારા હૃદયમાં

જે રાસમાં, જે રમતમાં, જે કામમાં, જે ક્રીડામાં

મેં તને માણ્યો હતો પુરા તનમાં અને મનમાં

ત્યારથી વસી ગયો છે તું મારા અણુ એ અણુમાં

પ્રોમિસ છે આમરણ જાળવીશ તારી આ રાધામાં.

(પંકજદાંડી)