મોદીનું ઇન્ડિયા

મોદીનું ઇન્ડિયા

સ્કુલ અને કોલેજ રંગીન છે, ક્રિકેટ સંગીન છે,

દવાખાના હજુય ગમગીન છે, ભાઈ મોદીનું ઇન્ડિયા છે

જ્યાં જુઓ ત્યાં ઇલુ ઇલુ, ક્યાંક ટપકું ટીલું,

સરકારી કામ હજુય ઢીલું, ભાઈ મોદીનું ઇન્ડિયા છે

ઓહ્મ ક્યાંક છુંદણે છુંદાણો, ને ટેટુ કહેવાણો,

કપિલદેવ ખોવાણો ને કપિલ શર્મા મંડાણો,

હા રે હા અચ્છે દિન માણો, ભાઈ મોદીનું ઇન્ડિયા છે

ધાંધલ થાય છે, ધમાલ થાય છે,સાધુ ને સાધ્વી કૈંક બોલે છે,

કોઈક એવોર્ડ પરત કરે છે, ટી. વી. ચેનલો સમાચાર ભડકાવે છે,

હાર્દિક પટેલ નો હુંકાર સંભળાય છે, છોટા રાજનની ઘર વાપસી થાય છે.

હા રે હા અચ્છે દિન માણો, ભાઈ મોદીનું ઇન્ડિયા છે

ક્યારેક દાળ ખોવાય તો ક્યારેક કાંદો,

ભાઈ મોદી સરકાર માં પણ થોડો વાંધો.

કૃષ્ણ ને યાદવો નો'તા ગાંઠ્યા ને ગાંધીને ભારતીયો,

મોદીને ભાજપીઓ, સાધુઓ ને સંઘો

પણ આ અનોખો ગુજરાતી છે,

ન સોનિયાનું, ન મુલાયમ નું

ભાઈ આ તો મોદીનું ઇન્ડિયા છે.

(પંકજદાંડી)