વિનય મંદિર દાંડી

આજે અમારા વિનય મંદિરનો ૪૯મો જન્મદિન. આખું વરસ સુવર્ણ જયંતિ સ્વરૂપે ઉજવાશે ત્યારે મારા તમામ ગુરુજનોને પ્રણામ અને મિત્રોને હાય-હેલો કરતી આજની રચના .......

વિનય મંદિર દાંડી

અરબી સમુદ્રને કિનારે, નમક સત્યાગ્રહના ગામે,

છે માધ્યમિક સ્કૂલ મારી વિનય મંદિર નામે.

શિક્ષણના આ ધામે મા સરસ્વતી બિરાજે,

કાંઠામાં કાયમ વિનય મંદિર નામ ગાજે.

આબાલવૃદ્ધ સૌ બોલે અડગ વિશ્વાસથી આજે,

સારું શિક્ષણ જોઈએ તો વિનય મંદિર જાજે.

દાંડી આવે લોકો મહાત્મા ગાંધીના નામે,

પણ વાલી આવે શિક્ષણની ગુણવત્તા કાજે.

ધીરુભાઈના કર્મની ગંગા વહે છે આ ગામે

યાદ આવે છે બોતેર થી છોતેર ‘પંકજ’ને નામે.

(પંકજદાંડી)