ત્યારથી રહ્યો છું ચૂપ

છોડયું છે જ્યારથી વૃંદાવન, 

ત્યારથી રહ્યો છું ચૂપ,

પણ સાચું કહું છું રાધા, 

મને ગમતું'તું તારું જ રૂપ.

નથી વગાડતો મોરલી હવે, 

ને નથી રમતો રાસ,

પણ સાચું કહું છું રાધા, 

મને ગમતો તારો જ સહવાસ.

મીઠી મીઠી યાદોની, 

સુગંધ વળે છે વીંટળાય

પણ સાચું કહું છું રાધા, 

મને ખોટ તારી વરતાય.

વૃંદાવનથી વોટ્સ એપ તો 

ઢગલાબંધ આવે,

પણ સાચું કહું છું રાધા, 

મને સપનામાં હજુ ય તું સતાવે.

(પંકજદાંડી)