ઘરમાં સુધી આવ
હું ક્યાં કહું છું માત્ર રસ્તા સુધી આવ,
બારણું ઉઘાડ ને છેક ઘરમાં સુધી આવ.
સોસીયલ મીડિયાના સમયમાં સહેલું છે,
વોટ્સએપ નહિ તો ફેસબુક થકી આવ.
ખુદના જ નામનો તહેવાર થઇ ને આવ,
ત્રણ-ચાર વીકનું વેકેશન બનીને આવ.
તારું નામ લઇ મેં ફુલઝર સળગાવી,
હવે તનકતારા ને કોઠી બનીને આવ.
જુદાઈના વર્ષો આમ ને આમ વહી ગયાં
હવે ઓફિશિયલ એન્ટ્રી લઈને આવ.
(પંકજદાંડી)
ઘરમાં સુધી આવ -2
હું ક્યાં કહું છું માત્ર બારણાં સુધી આવ,
બારણું ઉઘાડ ને છેક ઘરમાં સુધી આવ.
સોસીયલ મીડિયાના સમયમાં સહેલું છે,
વોટ્સએપ નહિ તો ફેસબુક થકી આવ.
શરદપૂનમની શીતળ ચાંદની થઈને આવ,
નવલાં નોરતાંની રઢિયાળી રાત બનીને આવ.
તારે માટે જ ખાસ મેં બરફી ને ઘારી ખરીદી,
હવે દૂધ પૌંવા ને ખમણ-જલેબી લઈને આવ
જુદાઈના વર્ષો તો આમ ને આમ વહી ગયાં
હવે ઓફિશિયલ વિઝા વાળી એન્ટ્રી લઈને આવ.
(પંકજદાંડી)
No comments:
Post a Comment