મારી કવિતાની નાયિકા કોણ છે

 

મારી કવિતાની નાયિકા કોણ છે

મારી કવિતાની નાયિકા કોણ છે ?

એ પ્રશ્નનો જવાબ છે, મારી કહાણીની અધૂરી ઈચ્છા.

આ ઈચ્છા જ છે, જેણે મને હજુ સુધી, એની જોડે જોડી રાખ્યો છે.

એની ઈર્ષ્યા અને મારો અહંકાર પણ અહીંથી જ પાંગર્યાં છે.

ક્યારેક લાગે છે હું દેવદાસ છું.

અને દેવદાસ બનવા માટેની જરૂરી મૂર્ખતા પણ મારી પાસે છે.

કોક જીતી ને હારે છે, મારી બાબતમાં હું હારીને જીતી ગયો છું.

એ મારુ સ્વપ્ન અને ઝંખના હતી, પણ

હું એનાં સ્વપ્નમાં હતો કે કેમ તેની મને ખબર નથી.

એના એક ફોન કે એક મેસેજથી મારો આનંદ ઉભરાય જાય છે.

એ લાગણી જ એટલી અદભુત છે કે,

એ મારા જીવનમાં ખૂટતી વ્યક્તિ હોવા છતાં, ખૂટતી નથી.

એને એની અપેક્ષા અને મર્યાદામાં જીવવાનો અધિકાર છે.

મારી અપેક્ષા મુજબ વર્તવા મજબુર કરીને

મારે આ સંબંધ ખોવાની ભૂલ નથી કરવી.

એનો સ્નેહ ઓછો નથી, મારી અપેક્ષા જ વધારે છે !

(પંકજદાંડી)