ગ્રુપ 72-76

 

ગ્રુપ 72-76

ગામ દાંડી,જૂનનો મહિનો ને બોતેરની સાલ,

તરુણાવસ્થાની ઉમર ને આઠમા ધોરણમાં પ્રવેશ,

એવું અમારું વિનય મંદિરનું ગ્રુપ 72-76 વોટ્સએપ.

ધીરુભાઈ, કેશવભાઈ, શાંતુભાઇ ને જગદીશભાઈ,

અમૃતભાઈ, અજીતભાઈ, મહેશભાઈ ને પાર્વતીબેન.

મળ્યો ગુરુજનોનો વહાલ, સદભાવ અને પ્રેમ

એવું અમારું વિનય મંદિરનું ગ્રુપ 72-76 વોટ્સએપ.

ઘણું ભણ્યાં, ઘણું રમ્યાં ને કોક કોક પરણ્યાં,

એસ. એસ. સી. પછી છોતેરમાં સૌ છૂટાં પડયાં,

પચાસ વરસના વહાણાં બાદ ભેગા થવાનો ઈરાદો નેક,

એવું અમારું વિનય મંદિરનું ગ્રુપ 72-76 વોટ્સએપ.

ગાંધીને પગલે જગખ્યાતિ મળી મારા ગામને,

સોલ્ટ સત્યાગ્રહ નેશનલ મ્યુઝિયમ જેને આંગણે,

ઉજવીએ શાળા પ્રવેશ સુવર્ણ જયંતિ થઈને સૌ એક,

એવું અમારું વિનય મંદિરનું ગ્રુપ 72-76 વોટ્સએપ.

(જ્યોત્સના પટેલ, માન્ચેસ્ટર)