શું કામ રાધા શ્યામ દીવાની હતી ?

 

શું કામ રાધા શ્યામ દીવાની હતી ? 

દાંડીના દરિયાની ‘ઘોર’ વાગતી હતી,

વહેલી સવારે મીઠી નીંદર આવતી હતી.

કોક લવસ્ટોરીની ટ્રેજેડી પૂછતી હતી,

શું કામ રાધા શ્યામ દીવાની હતી ?

 

મોન્ટ્રિઅલની મોસમ મનભાવન હતી,

રુડી રાધાની મદમોહક અદાઓ હતી

મોડર્ન ગોપી મનમાં મૂંઝાતી હતી,

શું કામ રાધા શ્યામ દીવાની હતી ?

 

પંકજની અપ્રગટ પરેશાની હતી,

કવિતા ખુદના દર્દને દર્શાવતી હતી.

પોકાર હૃદયના ઊંડાણની હતી,

શું કામ રાધા શ્યામ દીવાની હતી ?

 

 (પંકજદાંડી)

ઘોર : શિયાળાની વહેલી પરોઢમાં દરિયામાંથી આવતો ખાસ અવાજ.