તિરંગામાં

 

તિરંગામાં 

સર્વ ધર્મની ધજા મારા તિરંગામાં સમાણી છે

અમારી દેશભક્તિની આ જ તો કહાણી છે.

દુનિયામાં કોઈ દેશ ન માતા છે ન પિતા છે

ગર્વથી ગરજીએ ભારત અમારી માતા છે.

અહીં ગાંધીજીની અહિંસક દાંડીકૂચ છે,

 ને સુભાષચંદ્રબોઝની આઝાદહિંદ ફોજ છે.

ભગતસિંહની શહાદત શૌર્યગીતમાં ગવાય છે,

મોદીની મક્કમતામાં સરદારનું સ્થાન દેખાય છે.

અહીંથી જ વિશ્વને શાંતિનો સંદેશો અપાય છે,

ને મોરચા પર દુશ્મનના દાંત પણ ખાટા કરાય છે.

આજે અમારો 75મો આઝાદદિન ઉજવાય છે,

દુનિયાભરમાં પ્યારો તિરંગો શાનથી લહેરાય છે.

(પંકજદાંડી)