લગ્નની કંકોતરી

 

લગ્નની કંકોતરી

 યાદ છે ???

હતી ઉનાળુ વેકેશનની ઘડી,

ને અચાનક તું મને બસમાં મળી.

 મેં પૂછ્યું; ક્યાં હતી તું ?

અને તેં કહ્યું હતું ....

તારી સ્કૂલમાં, તારા ક્લાસમાં, તારા હાસ્યમાં, તારા રહસ્યમાં....

ને તો ય હું ગાંડો કશું સમજ્યો નહિ ને પૂછી બેઠો,

તો ક્યાં નથી તું ?

અરે.........તારી કિસ્મતમાં.... !

એટલું બોલીને, તું બસમાંથી ઉતરી....એ ઉતરી.

અને બે વીક પછી,

મળી મને તારાં લગ્નની કંકોતરી !

 (પંકજદાંડી)

 આમ તો છે આ તેંતાલીસ વરસ પહેલાંની વાત,

પણ છેક આજે મળ્યો એને કવિતાનો સાથ.

બળબળતા બપોરની બરાબર યાદ છે એ ઘટના,

એક કહાણીના ઉદય પહેલાંજ અસ્તની દુર્ઘટના.