હેપ્પી બર્થ ડે બા

 

હેપ્પી બર્થ ડે બા

એક્સ્ટ્રીમ કોલ્ડ વિન્ટરમાં  

મોન્ટ્રિઅલના બ્લેક આઈસ ઉપર ચાલતાં

લપસી પડું ને 'ઓ...બા...' બોલી જવાય છે.

ત્યારે સાત સમંદર પાર મારી બા નું હૃદય

ભર ઊંઘમાં પણ ધબકારા ચુકી જાય છે.

એ જ તો સાબિતી છે,

મારા અને મારી બા વચ્ચેના,

 લાગણીભર્યા સંબંધોના વાઈબ્રેશનની.

‘વિશિંગ યુ હેપ્પી બર્થ ડે બા’

 આજની પોસ્ટ તારા 87મા જન્મદિનની.

(પંકજદાંડી)

 

સમગ્ર ચપલાવાળા ફેમિલીમાં સૌથી સિનિયર ધીરુકાકાએ 15મી જૂને પોતાના 90 વર્ષ પૂર્ણ કર્યાં. તેમના પછી સિનિયર હયાત વ્યક્તિ એટલે મારી બા. આજે એણે પોતાનાજીવનના 88મા વર્ષમાં પ્રવેશ કર્યો. અમારું ‘અમૃતમ ફેમિલી’ એટલે માત્ર 28 દિવસની પ્રિષા અને 87 વર્ષની પાર્વતી બા જેવા બે કિનારાઓ વચ્ચે વહેતો પ્રવાહ.