છુપાયેલી યાદોનો ઉઘાડ
મને હંમેશાં આકર્ષણ રહ્યું છે,
દાંડીના ચોમાસાનું અને મોન્ટ્રિઅલના લાઈટ સ્નો ફોલનું.
દાંડીમાં ઘરના ઓટલા પર બેસીને
‘ઇવનિંગ-ટી’ વેળા વરસાદની
ઝડીને માણવાનું.
મોન્ટ્રિઅલમાં ડ્રોઈંગરૂમમાંથી ‘ગુડમોર્નિંગ-ટી’ સાથે
બહાર થતા લાઈટ સ્નો ફોલને નિહાળવાનું.
આ બંને સંજોગોમાં
હૃદયના ડાબા ખૂણે સાચવીને મુકેલો
એક સંબંધ યાદ આવી જાય છે.
ભલે આકાશ ઘેરાયેલું હોય પણ,
મન છુપાયેલી યાદોનો ઉઘાડ લઈને ખુલી જાય છે.
નજરે ન ચડતા
સૂર્યની સાક્ષીએ ચાંદનીની યાદ ઉભરાય જાય છે
એક નવી પ્રણય કવિતા લખાઈને ફેસબુક
પર પોષ્ટ થઇ જાય છે.
ને બીજી
જ મિનિટે ચાંદનીની ખાનગી લાઈક વોટ્સએપ પર મળી જાય છે.
(પંકજદાંડી)
No comments:
Post a Comment