સાથે જીવી ન શકાયું

 

સાથે જીવી ન શકાયું

સ્કૂલ એક હતી, ક્લાસ એક હતો ને બેસતાં સામસામે હતાં,

છતાં ન નીરખી શકાયું, ન બોલી શકાયું, ન સ્પર્શી શકાયું.

સમય તો હતો સ્કૂલના યુનિફોર્મમાં માત્ર થોડાં જ વર્ષોનો,

પણ તેને આજ દિન સુધી આપણાથી ન ભૂલી શકાયું.

સાચી વાત એ છે કે દિલ ધડક્યાં હતાં તો બંને છેડાએ,

પણ પછી બદનસીબે એને ધડકતાં રાખી ન શકાયું.

તું ક્યાં? હું ક્યાં? અને એક  બીજાને શોધવાં ક્યાં?

અંતે વોટ્સએપ પર આવ્યાં તો યે મળી ન શકાયું.

હજુ આજે ય લઈએ છીએ ક્યારેક કિટ્ટા ને ક્યારેક મિટ્ટા,

કેવી બદનસીબી, સાથે ભણીને ય સાથે જીવી ન શકાયું !

(પંકજદાંડી)