ચહેરો

 

ચહેરો

પચાસના દાયકાના અંતમાં ભગવાને જયારે તારો ચહેરો ઘડયો,

આટલી અદભુત રચના એની પોતાની છે એ માની જ ન શક્યો !

ત્યારે એની પાસે નો'તું ડેસ્કટોપ, લેપટોપ, આઇપેડ કે આઈફોન,

નો'તી કોપી, કટ, પેસ્ટ કે ફોટશોપ જેવી કોઈ હાથવગી સગવડ ઓન.

છતાં એણે તારો ચહેરો એવો ઘડયો

મારે કુદરતની કરામત ગણવો પડયો

તારું મુખારવિંદ એક એવી અદભુત રચના છે,

 જેની સરખામણી કોની સાથે કરું ?

દાંડી કિનારે અસ્તાચળે આભમાંથી ઉતરેલી એક પરી છે,

માનીને મારી જ બોલતી બંધ કરું.

છતાં પણ કોઈ ક્યારેક પૂછે કે, તું કોણ છે?

 તો...

મારા હાથનો ઈશારો ચંદ્ર તરફ કરીને બસ મૌન ધારણ કરી લઉં છું.

‘સમજદાર કો ઈશારા કાફી હૈ’ કહી ચાંદનીની ચમક ચમકાવી દઉં છું.

 

(પંકજદાંડી)