નથી તારી વેદના અજાણી
મેં મારી વેદનાની કવિતા ફેસબુકમાં જણાવી,
પણ તારી વેદના તો છે હજી ય સાવ અજાણી.
હૃદયના બંધ સેફ્ટિવોલ્ટમાં તેં રાખી સંતાડી,
ન કદી હોઠ પર આણી, ન ફેસબુકે દેખાણી.
મેં તો એને વોટ્સએપ પર જગ જાહેર કરી,
પણ તેં એવી કોઈ બીનજરૂરી ધમાલ ન કરી.
મારી કવિતામાં કોકે તને લગભગ લીધી ખોળી,
પણ શીતળ ચાંદનીમાં એને તેં દીધી હાથતાળી.
જોયાં તારી આંખોના ખૂણામાં વેદનાનાં પાણી,
સાચું છે, નથી તારી વેદના મારાથી અજાણી.
(પંકજદાંડી)
No comments:
Post a Comment