પાકું બોર

બોર તો પાકું હતું પણ પથરો મારવાની હિમ્મત નો'તી.

બોરડી ય નીચી હતી પણ અડવાની ઔકાત નો'તી.

મિત્ર પ્રકાશનો સાથ માગ્યો પણ તેણે જ અંધકાર ફેલાવ્યો.

ઘરમાં પપ્પા અને મમ્મીએ જોરદાર વિરોધ નોંધાવ્યો.

કવિતા લખવી શરુ કરી એ  ‘હાફ ગર્લફ્રેન્ડ’ ની જ્યારથી,

હદ થઇ ગઈ એણેય ડીલીટ કર્યો  ફ્રેન્ડ લિસ્ટમાં ત્યારથી.

(પંકજદાંડી)

હું ને પરિમલ

હું ને પરિમલ

[મારા મામાનું ઘર પણ દાંડીમાં જ અને માત્ર પાંચ મિનિટના વોકિંગ ડિસ્ટન્સ પર. આજથી પચાસ વર્ષ પહેલાંની લગભગ સને ૧૯૬૭-૬૮-૬૯ ની અમારી બાળપણની સ્ટોરી. જો કે આજે મામા નથી, મામાનું ઘર ઇતિહાસમાં સમાય ગયું છે અને ત્યાંની ભૂગોળ સંપૂર્ણપણે બદલાય ગઈ છે.]

હું ને પરિમલ છાનામાના મામાને ઘેર ભાગ્યા,

ચોપડાં દફતર ફેંકી દઈને ક્રિકેટ રમવા લાગ્યા.

મીઠી મમાયનો ધોકો ચોરી બનાવ્યું એનું બેટ,

અબ્બાસભાઈનું બોક્ષ ફાડી બાંધ્યું તેનું પેડ.

ખીસામાંથી કાઢ્યો પરીએ નાનો રબરનો બોલ

ઠીકરાં ઉપર થૂંક નાખી ઉછાળ્યો અમે ટોસ.

પહેલા બોલે હું બોલ્ડ થયો ને આવ્યો પરીનો દાવ,

ડોશીમા ને બોલ વાગ્યો તો “મરીગ્યા નાસી જાવ”

સાડા પાંચની બસ આવી ને ઉતર્યા એમાંથી પપ્પા,

પરિમલનો કાન આમળ્યો ને મને લગાવ્યા ધબ્બા.

(પંકજદાંડી)

આપણા સંબંધોની વાત

મારી કવિતા આપણા સંબંધોની વાત છે

મારી હિડન લવસ્ટોરીની ફરિયાદ છે

ક્યારેક રડેલી આંખ અને મૂંઝાયેલા દિલની,

તો ક્યારેક હસેલા હોઠ અને

ખુશખુશાલ ચહેરાની વાત છે.

તને ટોરોન્ટોમાં ટાઈમ મળે ત્યારે  

મારી કવિતા ફરી ફરીને વાંચી લેજે,

મોન્ટ્રિઅલના પંકજના અધૂરા અરમાનને  

તારો ‘ઈન્ડો-કેનેડિયન’ ઓપ આપી દેજે.

(પંકજદાંડી)

ધન્ય પળો

જયારે જોઉં છું તેં પોષ્ટ કરેલા મારા ફોટોગ્રાફ્સ,

ત્યારે યાદ આવી જાય છે એ ધન્ય પળો

જે પળોએ મેં તારું સાનિધ્ય માણ્યું હતું.

યાદ કરું છું એ સ્પર્શ અને એ લાગણીઓ,

રાસ રમતાં અકસ્માત અડી ગયેલી કોણીઓ,

વાગોળી રહી છું તારી સાથે ગાળેલી એ પળો.

આપણી ભાવભરી ક્રીડાઓમાં તું મારી સાથે હતો,

એ એહસાસ હજુ તાજો જ છે મારા હૃદયમાં

જે રાસમાં, જે રમતમાં, જે કામમાં, જે ક્રીડામાં

મેં તને માણ્યો હતો પુરા તનમાં અને મનમાં

ત્યારથી વસી ગયો છે તું મારા અણુ એ અણુમાં

પ્રોમિસ છે આમરણ જાળવીશ તારી આ રાધામાં.

(પંકજદાંડી)

તું જ છવાઈ ગઈ

વિનય મંદિરમાંથી જ દિલમંદિરમાં વસી ગઈ,

પણ SSC પછી તો તું જ ખોવાઈ ગઈ.

ગામ આખામાં શોધી, ક્યાં હશે સંતાય ગઈ ?

અલી, ટોરોન્ટો આવીને મને જ ભૂલી ગઈ.

માની લીધું કે હવે તું ક્યારેય મળીશ નઈ

પણ આભાર ફેસબુક, તું અકસ્માત મળી ગઈ.

કેનેડાની કુંજ ગલીમાં હતી તું છુપાઈ ગઈ

હવે સિનિયર સીટીઝન થયો ત્યારે પાછી મળી ગઈ

મારાં ગીતોમાં તો તું અકબંધ થઇ ગઈ

ફેસબુકના પેજ પર તું જ છવાઈ ગઈ.

(પંકજદાંડી)

તું અનંત છે.

પ્રભુ!

હું જાણું છું તું અનંત છે.

તું જ શુક્ષ્માતીત શુક્ષ્મ .

તું જ પ્રેમની,સ્નેહની, આદરની, ભાવની

અને મોહની માયાજાળ રચે છે.

ગુડમોર્નિંગ કહેવા સવારે તું જ સુરજ રૂપે હાજર હોય છે.

ચંદ્ર રૂપે પ્રગટ થઈને તું જ અમને સૌને ગુડનાઈટ કહે છે.

પણ

હું તો તને માત્ર સુખની યાચના કરવાનું પાત્ર સમજુ છું.

રોજ સવારે તને હાથ જોડીને પ્રાર્થું છું.

ભગવાન, મને સુખી રાખજે.

હું તારો ખુબ ખુબ આભારી છું.

તેં તો મને માંગેલું દરેક સુખ આપ્યું

પણ

મેં એ સુખ કોઈને વહેંચ્યું નથી તેનું શું ?

(પંકજદાંડી)

ડેડીના આશીર્વાદ

નથી રાખતો બહુ ઊંચી અપેક્ષા,

તમે બંને એકબીજાના દિલમાં રહો તે જ બસ છે.

મોંઘાદાટ સ્પ્રે અને શેમ્પુ ન મળશે તો ચાલશે,

પણ પ્રેમના ફૂલોની સુગંધ ભળશે તો બસ છે.

ઘર તો આપણું નવું બની રહ્યું છે,

પણ તમારા દિલમાં જગ્યા મળશે તો બસ છે.

સહજીવનનની તો હજુ શરૂઆત થઇ છે,

‘સુખ, શાંતિ અને આનંદ’ ડેડીના આશીર્વાદ છે.

(પંકજદાંડી)